Корҳои сохтмонӣ дар «Маркази барқу гармидиҳӣ-2»
Душанбе, 26 сентябр. (АМИТ «Ховар», Фарзона Ашӯрмадова).- Корҳои сохтмонӣ дар майдончаи сохтмони «Маркази барқу гармидиҳӣ-2» идома доранд. Тавре ки дар ин бора аз Вазорати энергетика ва саноат хабар доданд, дар иншооти мазкур зиёда аз 1400 нафар коргарону мутахассисон фаъолият дошта, дар назар аст, ки ҳафтаи оянда шумораи онҳо ба 1500 нафар расонида шавад. Теъдоди техникаҳои барои сохтмони ин иншоот ҷалбшуда зиёда аз 160 ададро ташкил медиҳад. То имрӯз дар сохтмони «Маркази барқу гармидиҳӣ-2» 42000 метри мукааб бетон истифода шудааст. Ҳоло сохтмони дегхонаи № 1 ва лӯлаи дудбарор пурра ба итмом расида, сохтмони иншооти обсардкунӣ бо баландии 87 метр расонида шудааст. Аз оғози сохтмон то имрӯз дар майдончаи сохтмонии «Маркази барқу гармидиҳӣ-2» дар шаҳри Душанбе ҳар ҳафта бо иштироки роҳбарияти Вазорати энергетика ва саноат ҷаласаи ситод доир мегардад. Ёдовар мешавем, ки «Маркази барқу гармидиҳӣ-2» тибқи Созишномаи байни Вазорати энергетика ва саноати Ҷумҳурии Тоҷикистон, ҶСК «ТВЕА»-и Ҷумҳурии Мардумии Чин ва ҶДММ «ТВЕА Душанбе саноати куҳӣ»дар бораи татбиқи лоиҳаи сохтмони «Маркази барқу гармидиҳӣ-2» бо усули «захиравӣ» бунёд мегардад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






