Корхонаҳои нави дӯзандагии кишвар

Душанбе, 23 сентябр. (АМИТ «Ховар», Кристина Эрлих ). – Дар ҳошияи барномаи давлатӣ оид ба рушди саноати сабук аз оғози соли ҷорӣ дар Тоҷикистон панҷ корхонаю коргоҳи хурди дӯзандагӣ мавриди истифода қарор гирифтанд. Дар ин бора аз Вазорати энергетика ва саноати ҶТ ба мухбири АМИТ «Ховар» хабар доданд.Бунёди корхонаю коргоҳҳои дӯзандагӣ ба афзоиши истеҳсоли маҳсулоти саноати сабук ва ташкили ҷойҳои нави кор мусоидат менамояд. Қобили зикр аст, ки истеҳсоли маҳсулоти ватанӣ сифатан аз маҳсулоти хориҷӣ фарқ надорад.Корхонаҳои саноати сабук аз аввали сол ба маблағи беш аз 94 миллиону 700 ҳазор сомонӣ маҳсулот истеҳсол намудаанд, ки ин нисбат ба нишондоди ҳамин давраи соли 2012 баробари 28,2 фоиз зиёд аст. Назар ба гуфтаи манбаъ, то охири соли равон боз 6 корхонаи бахши саноати сабук ба истифода дода хоҳад шуд.