Кормандони молия мукофот гирифтанд

Душанбе, 5 сентябр. (АМИТ «Ховар», Кристина Эрлих). – Дар шаҳри Душанбе барои супурдани мукофотҳои ҳукуматӣ ба кормандони низоми молиявӣ дар арафаи 22 – юмин солгарди Истиқлолияти давлатии Ҷумҳурии Тоҷикистон ҷаласаи умумии кормандони Вазорати молияи Тоҷикистон ва муассисаҳои зертобеи он баргузор гардид. Дар ҷаласа Мушовири давлатии Президенти Ҷумҳурии Тоҷикистон оид ба сиёсати иқтисодӣ Ф.Ҳамралиев ва Мушовири Президенти Ҷумҳурии Тоҷикистон М.Сафаров ширкат доштанд.Тавре ки аз котиботи Вазорати молияи ҶТ ба мухбири АМИТ «Ховар» хабар доданд, Ф.Ҳамралиев кормандони Вазорати молияи кишварро муборакбод намуда ва бо супориши Президенти Ҷумҳурии Тоҷикистон мукофотҳои давлатиро ба коркунони низоми молиявии кишвар супурд.Дар анҷоми ҷаласа вазири молияи Ҷумҳурии Тоҷикистон С.Наҷмуддинов ҳозиронро даъват намуд, ки ин ҷашни фархундаро бо нишондодҳои баланди фаъолияти меҳнатиашон истиқбол намоянд. Вазир ҳамчунин зикр намуд, ки таҳкиму рушди мувозинати иқтисодии кишвар аз бисёр ҷиҳат вобаста ба ибтикору натоиҷи фаъолияти поквиҷдононаю судманди кормандони низоми молиявӣ мебошад.