Маркази саломатӣ дар деҳаи Боғикалон фаъол гардид
Душанбе, 3 сентябр. (АМИТ «Ховар», Зарангези Латиф).- Дар давоми ҳафтаи сипаришуда раиси вилояти Суғд Қоҳир Расулзода ба фаъолияти маркази саломатӣ дар деҳаи Боғикалон ҳусни оғоз бахшид. Қоҳир Расулзода аз дармонгоҳи минтақавӣ дидан карда, ба сатҳу сифати корҳои сохтмонӣ баҳои баланд дод.
Раиси вилоят дар ҳузури кормандони марказ ва сокинони маҳал иқдоми соҳибкор — Набӣ Ҳамдамов ва фарзандони ӯро намунаи ибрат арзёбӣ карда, ба роҳбарияти раёсати тандурустӣ дастур дод, ки барои таҷҳизи маркази саломатӣ бо таҷҳизоти физеотерапевтӣ ва дандонпизишкӣ тадбирҳои амалӣ андешанд. Ҳамчунин супориш дода шуд, ки маркази саломатӣ бо барқи доимӣ таъмин шавад, то сатҳи хизматрасонии тиббӣ беҳтар гардад.
Тавре ки аз хадамоти матбуоти раиси вилояти Суғд хабар доданд, Маркази саломатӣ аз ду ошёна иборат буда, дорои ҳуҷраҳои амрози занона, эмгузаронӣ, ташхисӣ ва утоқҳои табибон мебошад. Ин марказ бо харҷи 550 ҳазор сомонӣ бо тарҳи замонавӣ бунёд гардидааст. Ҳамчунин аз ҷониби соҳибкор барои маркази саломатӣ як мошини «Ёрии таъҷилӣ» харидорӣ шудааст. Дар ин рӯз ҳамзамон туйи суннатии 3 нафар кӯдак аз оилаҳои ниёзманд барпо шуд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






