Машварати роҳбарони ВАО дар Урумчи

Душанбе, 11 сентябр. (АМИТ «Ховар»). – Дар ҳошияи Ярмаркаи байналмилалии ЭКСПО «Чин — АвруОсиё – 2013» дар маркази маъмурии Ноҳияи Мухтори Синҷону Уйғури ҶМЧ шаҳри Урумчи машварати роҳбарони васоити ахбори оммаи Чин, кишварҳои Осиё ва Аврупо баргузор гардид.Дар машварат роҳбарони вазорату муассисаҳои умури васоити ахбори оммаи Чин, Русия, Тоҷикистон, Қирғизистон, Қазоқистон, Беларус ва Афғонистон иштирок намуда, дар мавзӯи «Таҳкими равобиту ҳамкорӣ дар бахши иттилоот, мадад ба рушди муносибатҳои тиҷоратию иқтисодӣ ва таъмини амнияти минтақа» мубодилаи афкор намуданд.Дар машварат аз ҷониби Ҷумҳурии Тоҷикистонро муовини аввали раиси Кумитаи телевизион ва радиошунавонии назди Ҳукумати ҶТ Сайдалӣ Сиддиқов ширкат дошт.Сайдалӣ Сиддиқов зимни суханрониаш зикр намуд, ки дӯстию ҳамкории халқҳои Тоҷикистон ба Чин таърихи бисёрасра дошта, алҳол ҳар ду кишвар равобити дуҷонибаро таҳким бахшида, ба он шаклҳои нав ворид месозанд.