МНМО ҶТ Созишномаи байни Тоҷикистону Русияро матраҳ сохт

Душанбе, 23 сннтябр.(АМИТ «Ховар»,Марзия Саидова).-Интизор меравад, ки рӯзҳои наздик Парлумони Тоҷикистон Созишномаи байни Ҷумҳурии Тоҷикистон ва Федератсияи Русия дар бораи мақом ва шартҳои будубоши пойгоҳи Русия дар қаламрави Ҷумҳурии Тоҷикистонро ба тасвиб расонад. Масъалаи мазкур имрӯз дар ҷаласаи Шӯрои палатаи поёнии Парлумони мамлакат, ки таҳти раёсати Шукурҷон Зуҳуров- раиси Маҷлиси намояндагон баргузор шуд, матраҳ гардид. Аъзои Шӯро ҳамзамон лоиҳаи Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи алоқаи барқӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон«Дар бораи Буҷети давлатии Ҷумҳурии Тоҷикистон барои соли 2013», «Дар бораи сарватҳои зеризаминӣ», «Дар бораи металлҳои қиматбаҳо ва сангҳои қиматбаҳо», «Оид ба ворид намудани тағйирот ба Қонуни Ҷумҳурии Тоҷикистон «Дар бораи роҳҳои автомобилгард ва фаъолияти роҳдорӣ», «Дар бораи нақлиёт», «Оид ба ворид намудани илова ба Қонуни Ҷумҳурии Тоҷикистон «Дар бораи ҳифзи саломатии аҳолӣ», «Дар бораи ворид намудани тағйиру илова ба Кодекси ҳуқуқвайронкунии маъмурии Ҷумҳурии Тоҷикистон», Дар бораи ворид намудани тағйиру иловаҳо ба Кодекси андоз ва ба Кодекси гумруки Ҷумҳурии Тоҷикистон»-ро баррасӣ намуда, қарорҳои марбута қабул намуданд.