Муҳокимаи масоили тағйири иқлим

Душанбе, 17 сентябр. (АМИТ «Ховар»). – 16 сентябр дар Иссиқкӯл Конфронси сеюми илмию амалии байналмилалӣ дар мавзӯи «Тағйири иқлим ва хавфи офатҳои табиӣ дар минтақаҳои кӯҳсор» оғоз ёфт. Мақсад аз конфронс муҳокимаи таҳқиқи ҳодисаҳои хавфноки табиӣ ва мубодилаи таҷриба дар мавзӯи омӯзиши ин ҳодисаҳо ва коҳиш додани хавфи онҳо мебошад. Барои иштирок дар конфронс беш аз 140 нафар намояндагони 22 кишвари ҷаҳон аз қабили Олмон, Чехия, Русия, Афғонистон, Непал, Покистон, Британияи Кабир, Белгия, Финляндия, ҳамчунин намояндагони ҳамаи панҷ кишвари Осиёи Марказӣ ба Иссиқкӯл омадаанд.Иштирокдорони конфронс қайд намуданд, ки барои ҳалли масоили марбут ба сабабҳои фалокатҳои табиӣ ва коҳиш додани оқибатҳои онҳо бояд ҳамкории кишварҳои ҷаҳон бештар рушду густариш дода шавад.