Мулоқоти Маҳмудҷон Собиров бо Франсуа Делаус

Душанбе, 24 сентябр (АМИТ «Ховар»).- 23 сентябри соли 2013 вохӯрии муовини аввали вазири корҳои хориҷии Ҷумҳурии Тоҷикистон Маҳмудҷон Собиров бо муовини сардори Раёсати кишварҳои Қафқоз ва Осиёи Марказии Вазорати корҳои хориҷии Ҷумҳурии Фаронса ҷаноби Франсуа Делаус барпо гардид. Зимни вохӯрӣ тарафҳо роҷеъ ба рушди муносибатҳои дуҷониба ва бисёрҷонибаи Тоҷикистону Фаронса изҳори қаноатмандӣ намуда, омодагии худро барои тавсеаи минбаъдаи ин муносибатҳо баён карданд. Инчунин ҷонибҳо ҳамкориҳои байни ду кишварро дар чаҳорчӯби созмонҳои байналмилалӣ ва минтақавӣ муҳокима карда, дар мавзӯи амнияти минтақавӣ, иқтисод, сиёсат ва сулҳу субот дар минтақа мубодилаи афкор намуданд.