Ниёзмандон соҳиби ҷойи кор гардиданд

Сентябрь 4, 2013 13:56

Душанбе, 4 сентябр. (АМИТ «Ховар», Зарангези Латиф).- Ярмарка барои ҷойҳои корӣ рӯзи 30-юми августи соли ҷорӣ бо ташаббуси Вазорати меҳнат ва ҳифзи иҷтимоии аҳолии Ҷумҳурии Тоҷикистон дар якҷоягӣ бо Вазорати энергетика ва саноати Ҷумҳурии Тоҷикистон дар бинои ҶДММ «Иттиҳодияи истеҳсолиии нассоҷии тоҷик» дар ноҳияи Фирдавсӣ, воқеъ дар кӯчаи Саъдии Шерозӣ баргузор шуд. Дар он ташкилоту муассисаҳои системаи энергетика ва саноат, инчунин сохторҳои марбутаи Агентии давлатии ҳифзи иҷтимоӣ, шуғли аҳолӣ ва муҳоҷират ҳузур доштанд. Ҳамчунин роҳбарон ва намояндагони ВАО низ ширкат варзиданд. Гуфта мешавад, ки дар ин ярмаркаи умумишаҳрӣ барои ҷойҳои кории пешниҳодшуда дар ноҳияҳои Шоҳмансур 432, И. Сомони 367, Фирдавсӣ 678, Сино 998 ва дар маҷмуъ 2475 ҷойи кори холиро пешниҳод намуданд. Дар ярмарка зиёда аз 41 корхонаи кордиҳанда иштирок дошта, шумораи корҷӯён ба 500 нафар расид. Шумораи шахсони ба кор роҳхат гирифта 42 нафар ва ба касбомӯзӣ фиристодашуда 12 нафарро ташкил дод. Мақсади асосии баргузор намудани ярмаркаҳои ҷойҳои корӣ ва вазифаҳои озод аз таъсир ба рушди бемайлони сатҳи шуғлнокии аҳолӣ, ташкили шароити мусоид барои корхона, ташкилоту муассисаҳо ҷиҳати дарёфти корманди мувофиқ, ба шаҳрвандони бекор ҷиҳати кори мувофиқ ва бо ин васила муътадил гардонидани вазъи бозори меҳнат иборат аст.

Сентябрь 4, 2013 13:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд