Озмуни ҷумҳуриявии «Бренди сол»

Сентябрь 18, 2013 13:53

Душанбе, 18 сентябр (АМИТ «Ховар»).- Вазорати рушди иқтисод ва савдои Ҷумҳурии Тоҷикистон дар ҳамбастагӣ бо вазорату идораҳои дахлдор, бахши хусусӣ ва ташкилотҳои байналмилалӣ оғози озмуни ҷумҳуриявии «Бренди сол»-ро, ки бори нахуст дар Ҷумҳурии Тоҷикистон баргузор мегардад, эълон намуд. Ба сифати шарикони озмун Созмони умумиҷаҳонии моликияти зеҳнӣ (WIPO), Агентии Олмон оид ба ҳамкориҳои байналмилалӣ (GIZ), Барномаи рушди Созмони Милали Мутаҳҳид (UNDP) ва Дафтари байналмилалии Швейтсария дар Тоҷикистон (SECO) баромад менамоянд.Ҳадафи асосӣ аз баргузории озмуни мазкур- ин ҳавасмандгардонии ширкатҳо оид ба истифода ва пешбурди бренд дар фаъолияти худ мебошад.Дар айни замон фармоишҳои вазорат дар бораи таъсиси Кумитаи тадорукот ва дар бораи «Қоидаҳо оид ба гузаронидани озмуни «Қуллаи шараф» вобаста ба муайян намудани бренди сол дар Ҷумҳурии Тоҷикистон» ба тасвиб расидааст, ки дар асоси он иҷрокунанда Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон муайян гардидааст.Дар ин давра аз ҷониби Муассисаи давлатии «Маркази миллии патенту иттилоот» корҳои ташвиқу тарғибот идома дошта, санаи 17 сентябри соли 2013 бо мақсади фаҳмондадиҳӣ мизи мудаввар дар мавзўи «Моҳият ва нақши бренд дар рушди тиҷорат» баргузор гардид.Чорабинии мазкур дар бинои Муассисаи давлатии «Душанбе-Плаза» баргузор гардида, дар кори он доираи васеи намояндагони вазорату идораҳои дахлдор, ширкатҳо, ҷамъиятҳо ва ташкилотҳои байналмилалӣ даъват шудаанд. Бояд зикр кард, ки ғолибони озмун ҳуқуқи истифодаи нишони «Бренди сол»-ро дар молу маҳсулот ва фаъолияти рекламавӣ пайдо менамоянд.Дар баробари ин, ҷоизаи махсуси Созмони умумиҷаҳонии моликияти зеҳнӣ «медали тиллоӣ» барои Бренди инноватсионӣ низ пешбинӣ гардидааст. Қабули аризаҳо то 15 октябри соли ҷорӣ идома дошта, хоҳишмандон метавонанд аризаҳои худро бевосита ба Муассисаи давлатии «Маркази миллии патенту иттилоот» ва ё электронӣ аз тариқи сомонаи www.tajpatent.tj пешниҳод намоянд.

Сентябрь 18, 2013 13:53

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд