«Равшан» — ро бохти техникӣ таҳдид мекунад

Сентябрь 19, 2013 10:47

Душанбе, 19 сентябр. (АМИТ «Ховар»). – Клуби футболи «Равшан» — ро бинобар риоя накардани тартиби бозӣ ҳангоми вохӯрӣ бо дастаи «Парвоз» — и ноҳияи Бобоҷон Ғафуров барои дарёфти Ҷоми Тоҷикистон бохти техникӣ таҳдид мекунад. Хотирнишон месозем, ки ин вохӯрӣ 18 сентябр дар шаҳри Кӯлоб баргузор гардида, бо ҳисоби ду бар як ба фоидаи соҳибони майдон анҷом ёфта буд.Тавре ки аз Федератсияи футболи Тоҷикистон хабар доданд, роҳбарияти дастаи «Парвоз» аз натиҷаи вохӯрии навбатӣ барои дарёфти Ҷоми ҷумҳурӣ расман эътироз баён карданд. Мувофиқи суханони сармураббии дастаи «Парвоз» Алиёр Ашӯрмамадов, дар даври дуюми бозӣ дастаи «Равшан» ба ҷойи бозингари 19 – сола Саидхон Амрохон ба майдон бозингари хориҷӣ Гершон Акуффоро ба майдон баромад, ки ин маънои вайрон кардани тартиби бозиро дошт.Эътирози дастаи «Парвоз» дар ҷаласаи Кумитаи назоратии Федератсияи футболи Тоҷикистон баррасӣ шуда, дар сурати ба таври қаноатманд ҳал шудани ин масъала, дастаи «Парвоз» ҳуқуқ пайдо мекунад, ки дар вохӯрии нимниҳоӣ барои дарёфти Ҷоми Тоҷикистон бо дастаи «Истиқлол» — и шаҳри Душанбе қувваозмоӣ намояд.

Сентябрь 19, 2013 10:47

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд