Сафари кории Қоҳир Расулзода ба шаҳри Чкалов
Душанбе, 3 сентябр. (АМИТ «Ховар», Зарангези Латиф).-Нимаи дуввуми рӯзи гузашта раиси вилояти Суғд Қоҳир Расулзода ба шаҳри Чкалов сафари корӣ анҷом дод.
Дар ҷараёни ин сафар раиси вилоят Қоҳир Расулзода сараввал бо ҷараёни корҳои таъмиру навсозии бинои Дастаи зудамали РВКД дар вилояти Суғд ошно гардид.
Бояд гуфт, ки барои таъмири ин бинои маъмурӣ аз буҷаи вилоят 379 ҳазор сомонӣ ҷудо гардидааст. Бинои хизматии дастаи зудамал аз таъмири куллӣ бароварда шуда, барои хизматчиён тамоми шароит фароҳам оварда шудааст.
Раиси вилоят бо ҷараёни сохтмони хобгоҳ барои устодони Мактаби президентӣ шинос шуд. Тавре ки аён гардид, корҳо дар арафаи анҷомёбӣ буда, сохтмончиён дар айни ҳол ба корҳои рангу бордиҳӣ ва ободонии атроф машғуланд.
Аз дафтари матбуоти раиси вилоят иттилоъ доданд, ки иншооти мазкур аз чор ошёна иборат буда, бо маблағгузории Дирексияи сохтмони иншооти ҳукуматии дастгоҳи иҷроияи Президенти Ҷумҳурии Тоҷикистон навсозӣ мешавад. Он аз 46 хонаи як, ду ва сеҳуҷрагӣ иборат аст. Ин хонаҳо қабл аз ҳама ба омӯзгорони Мактаби президентӣ, ки ба манзилгоҳ ниёзманданд, супорида мешавад.
Қоҳир Расулзода аз хобгоҳи мазкур дидан карда, барои анҷоми босифати корҳо ва ободонии атрофи бино ба шахсони масъул супориш дод.
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
