ТҶММ озмуни шеъру оҳангро эълон кард
Душанбе, 27 сентябр. (АМИТ «Ховар», Л. Қосимова). -Ташкилоти ҷамъиятии мададгори мудофиаи Ҷумҳурии Тоҷикистон байни шоирон озмуни ҷумҳуриявии матни шеъри беҳтарин барои суруди ташкилоти мазкурро эълон кардааст. Ба ин озмун аз тамоми қаламрави ҷумҳурӣ матнҳои шеърӣ ирсол гардидаанд, ки он 25 шеърро дар бар мегирад. Аввали моҳи октябр ҳайати ҳакамон иборат аз намояндагони Иттифоқи нависандагон, шеърҳоро таҳлил намуда, аз байни онҳо суруди ташкилоти ҷамъиятии мададгори мудофиаи ҶТ-ро интихоб хоҳанд кард. Дар давраи дуюм ба шеъри беҳтарин барои интихоби мусиқӣ миёни бастакорон озмуни иловагӣ эълон мегардад. Аз рўи шартҳои озмун шеър оҳанги мутантан дошта, ба қолаби сурудҳои ҳарбӣ мутобиқ бояд бошад. Дар айни ҳол маҳсули қалами шоирони шинохтаи ҷумҳурӣ, аз ҷумла, Сайидалии Маъмур, Давлат Сафар, Олимхон Исматӣ, Исфандиёр, Раънои Зоирдухт ва дигарон, ки саршори ғояҳои ватандўстианд, пешниҳод гардидаанд. Тавре ки аз хадамоти матбуотии ТҶММ ба АМИТ «Ховар» хабар доданд, баъди ҷамъбасти озмун ба ғолиб аз тарафи ТҶММ мукофоти пулӣ супорида мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






