Ташрифи Борунес Саеда Варси ба Тоҷикистон

Душанбе, 4 сентябр (АМИТ «Ховар»).- 6 Сентябр Вазири Давлатии Вазорати Корҳои Хориҷии Бритониё Борунес Саеда Варси ба Тоҷикистон ташриф хоҳад овард. Ин аввалин сафари вазири Давлатии Вазорати корҳои Хориҷии Бритониё ба Тоҷикистон аст. Яке аз салоҳиятҳои Борунесс Варси равобити Бритониё бо Осиёи миёна буда, ин ташриф аз равобитҳои густарда ва рӯ ба инкишофи байни ду кишвар гувоҳӣ медиҳад. Масъалаҳои гуногуни марбут ба ҳамкори дар сатҳи байналмилалӣ, амният ва осоиштагӣ дар Осиёи Миёна, тиҷорат ва сармоягузорӣ, саҳми Бритониё ва ширкатҳои бритониёӣ дар рушди иқтисодиёти Тоҷикистон ва ҳуқуқи инсон матраҳ хоҳанд шуд. Зимни сафар, Борунес Варси бо Президенти Ҷумҳурии Тоҷикистон Эмомали Раҳмон, вазири корҳои хориҷӣ Ҳамрохон Зарифӣ ва вазири рушди иқтисод ва савдо Шариф Раҳимзода, инчунин бо намояндагони ҷомеаи шаҳрвандӣ ва соҳибкорон вохӯрӣ анҷом хоҳад дод.