Вохӯрии натиҷабахш
Душанбе, 24 сентябр. (АМИТ «Ховар», Раъно Нусратуллоева).-Чанде пеш дар Донишкадаи молия ва иқтисоди Тоҷикистон вохӯрии устодон бо донишҷӯёне, ки дар донишкада тибқи квотаи президентӣ таҳсил доранд, баргузор гардид. Муовини ректор оид ба тарбия Лутфия Эшонҷонова ҳадафи вохӯриро чунин матраҳ намуд, ки он барои шиносоӣ бо донишҷӯён ва бо дастурамалҳову тавсияҳои гуногун ошно намудани онҳо баргузор мешавад. Зайниддин Бурҳонов, ҷонишини раиси КИ ибтидоии «Молия ва иқтисод»-и ҲХДТ дар ноҳияи Сино ва мудири кафедраи математика ва фанҳои табиатшиносӣ гуфт, ки ҷорӣ намудани квотаи президентӣ барои ҷавонони соҳибистеъдод як навъ ғамхории ҳимматбаландонаву падарона ва бевоситаи Сарвари давлатро нишон медиҳад, ки тибқи он ҷавонони имконияти молиявиашон маҳдуд метавонанд дар муассисаҳои олии таълимии кишвар таҳсил намуда, соҳибкасб шаванд. Мавсуф ҷавононро ба ҳушёрии сиёсӣ хонда, аз гаравидани онҳо ба равия ва гуруҳҳои экстремистӣ ҳушдор дод. Ёдовар мешавем, ки дар айни ҳол дар донишкада 70 нафар донишҷӯ тибқи квотаи президентӣ таҳсили илм дорад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






