Ҳамоиши сатҳи баланд оид ба муҳоҷирати байналмилалӣ

Душанбе, 1 октябр. (АМИТ «Ховар», Зарангези Латиф).-Рӯзҳои 3-4- уми октябри соли ҷорӣ дар қароргоҳи СММ, воқеъ дар шаҳри Ню- Йорки ИМА дар доираи баргузории Иҷлосияи 68-уми Маҷмаъи умумии СММ муколамаи сатҳи баланд оид ба муҳоҷирати байналмилалӣ ва рушд баргузор мегардад. Дар кори ин чорабинии байналмилалӣ Ҷумҳурии Тоҷикистонро вазири меҳнат ва ҳифзи иҷтимоии аҳолии мамлакат Маҳмадамин Маҳмадаминов намояндагӣ мекунад. Гуфта мешавад, ки дар муколама иштирок ва суханронии роҳбарони ҳайатҳои кишварҳои узви СММ ва ташкилоту созмонҳои минтақавию ҷаҳонӣ дар назар дошта шуда, масъалаҳои марбут ба муҳоҷирати байналмилалию минтақавӣ ва тадбирҳои бехдошти вазъи иҷтимоии аҳолӣ барои таъмини рушди воқеии устувор баррасӣ мегарданд.