Афзоиши ҳаҷми пасандозҳо

Душанбе, 30 октябр. (АМИТ «Ховар, Л. Қосимова).- Бақияи пасандозҳо дар ташкилотҳои қарзии мамлакат дар охири сентябри соли равон нисбат ба ҳамин давраи соли гузашта 13,5 фоиз афзуд. Таркиби бақияи ҳаҷми пасандозҳо аз 1’926,9 млн. сомонӣ ё 36,2 фоиз пасандозҳои шахсони ҳуқуқӣ ва 3’395,1 млн. сомонӣ ё 63,8 фоиз пасандозҳои шахсони воқеӣ иборат мебошад.  Фоизи миёнавазни пасандозҳо дар моҳҳои январ-сентябри соли ҷорӣ бо пули миллӣ ба 15,67 фоиз ва бо асъори хориҷӣ ба 11,34 фоизи солона баробар шуд, ки назар ба ҳамин давраи соли гузашта мутаносибан 0,22 фоиз ва 2,05 фоиз паст мебошад. Дар ин бора ба АМИТ «Ховар» аз хадамоти матбуоти Бонки миллии Тоҷикистон хабар доданд.