Аз фаъолияти муҳофизони ҳифзи муҳити зист

Турсунзода, 17 октябр. (АМИТ «Ховар», Ҳотам Рабиев).- Тибқи иттилои сардори шуъбаи ҳифзи  муҳити зисти шаҳри Турсунзода Исломиддин  Солиев дар давоми нуҳ моҳи соли ҷорӣ дар 333 корхонаю ташкилот, муассисаю хоҷагиҳо санҷиш ва рейдҳо гузаронида шуданд. Барои бартараф намудани камбудиҳои ҷойдошта 527  супориш дода шуд, ки аз он 422 супориш  иҷро шудааст. Дар натиҷаи санҷишҳо оид ба ҳифзи муҳити зист  443 нафар шаҳрванд ба маблағи 34960 сомонӣ ҷарима баста шуда, аз он 25390 сомониаш ба ҳисоби буҷаи давлат рӯёнида шуд.