Бозии «Истиқлол» ва «Энергетик» дуранг шуд

Душанбе, 29 октябр. (АМИТ «Ховар»).- 26 октябр се бозии даври 18 – уми мусобиқоти Тоҷикистон оид ба футбол байни лигаи олӣ баргузор шуд.Дар варзишгоҳи марказии ҷумҳуриявии шаҳри Душанбе вохурии дастаҳои «Истиқлол» ва «Энергетик» бо ҳисоби сифр бар сифр ба охир расид.Дастаи «Истаравшан» дар майдони худ дастаи «Хуҷанд» — ро қабул кард. Ин вохурӣ бо ҳисоби ду бар сифр ба фоидаи дастаи «Хуҷанд» анҷом ёфт.Дастаи «Хуҷанд» баъди ин ғалаба 17 хол ба даст оварда, ҳоло дар ҷадвали мусобиқот ҷойи панҷумро ишғол менамояд. Дар шаҳри Қӯрғонтеппа дастаҳои «Вахш» ва «Парвоз» қувваозмоӣ намуданд. Вохурӣ бо ҳисоби як бар як анҷом ёфт. Бозии даври 18 – уми байни дастаҳои «Равшан» — и шаҳри Кӯлоб ва ЦСКА «Помир» — и шаҳри Душанбе ба рӯзи 7 ноябр гузаронида шуд.