Буҷети давлатии соли 2014 хусусияти иҷтимоӣ доштааст

Октябрь 19, 2013 11:38

Душанбе, 19 октябр.(АМИТ «Ховар», Марзия Саидова).-Буҷети давлатии Ҷумҳурии Тоҷикистон барои соли 2014 хусусияти иҷтимоӣ дошта, танҳо барои бахши иҷтимоии кишвар 6 миллиарду 143,1 миллион сомонӣ равона мешавад, ки ин дар қиёс ба соли 2013-ум 1 миллиарду 240,3 миллион сомонӣ зиёд аст. Ин матлаб зимни баррасии лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2014» дар ҷаласаи Кумита оид ба иқтисод ва молияи Маҷлиси намояндагон, ки таҳти раёсати Амиршо Миралиев-муовини аввали раиси палатаи поёнии Парлумони Тоҷикистон доир гардид, зикр шуд. Амиршо Миралиев роҷеъ ба баъзе хусусиятҳои муҳим ва фарқкунандаи лоиҳаи қонуни мазкур дар муқоиса ба лоиҳаҳои қонунҳои қаблан қабулнамуда, ибрози назар кард. Мавсуф гуфт, ки лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2014» чун қонунҳои солҳои қаблӣ, пеш аз ҳама, барои иҷрои супоришҳои Президенти ҷумҳурӣ Эмомалӣ Раҳмон, ки дар Паёми имсола ба Маҷлиси Олии Ҷумҳурии Тоҷикистон зикр намуд, таҳия гардидааст.   Дар лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2014» ҳамзамон афзалиятҳои сиёсати дохилию хориҷии Тоҷикистон, иҷрои сифатнок ва саривақтии стратегия, консепсия ва барномаҳои ҳукуматии дурнамои рушди иқтисодию иҷтимоӣ, дархостҳои аъзои Маҷлиси миллӣ ва вакилони Маҷлиси намояндагон, инчунин мақомоти иҷроияи маҳаллии ҳокимияти давлатӣ ба инобат гирифта шудаанд. 

Октябрь 19, 2013 11:38

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд