Чанд хабар аз хориҷи кишвар

Октябрь 28, 2013 15:37

Танқиди ВАО Чин аз баландшавии арзиши қаҳва Душанбе, 28 октябр. (АМИТ «Ховар»).-Тамоми васоити ахбори оммаи Ҷумҳурии Мардумии Чин «Старбакс» — и Амрикоро вобаста ба баланд бардоштани арзиши қаҳва мавриди танқид қарор доданд. Хабарнигорон иброз доштанд, ки арзиши ин мавод дар Ҷумҳурии Мардумии Чин ба ҳисоби миёна 4 доллару 43 сентро ташкил менамояд. Ин дар ҳолест, ки дар ҳудуди Иёлоти Муттаҳидаи Амрико арзиши қаҳва 3 дарсад арзонтар мебошад. Роҳбарияти «Старбакс» вобаста ба танқиди хабарнигорон иброз намуданд, ки баланд гардидани арзиши қаҳва аз бисёр ҷиҳат ба хароҷоти дастрас намудани маҳсулот ва пардохти маблағи иҷора вобаста аст. Бояд гуфт, ки чанд вақт пеш дар Ҷумҳурии Мардумии Чин ширкатҳои хориҷӣ, бахусус ширкати «ЭППЛ» — ро мавриди танқид қарор дода буданд.Нигаронии коршиносони ЯпонияДушанбе, 28 октябр. (АМИТ «Ховар»).-Натиҷаҳои рушди содирот дар моҳи октябри соли равон боиси нигаронии коршиносони иқтисодии Япония гардид. Коҳиши қурби асъори миллӣ ба рушди иқтисодиёт таъсири манфӣ расондааст. Тайи нимсолаи аввали соли равон иқтисодиёти Япония ҳамагӣ 11,5 дарсад рушд кард. Ин дар ҳолест, ки қаблан коршиносон рушди иқтисодиёти Японияро ба 15,6 дарсад тахмин мезаданд. Норасоии буҷа моҳи сентябри соли равон дар ин кишвар ба 9,5 дарсар баробар гардид. Хотиррасон менамоем, ки моҳи марти соли 2011- ум дар кишвар заминларзаи шадид ба амал омада, боиси садама дар нерӯгоҳи барқи ҳастаии «Фукушимо-1» шуда буд. Офати табиӣ ба иқтисодиёти Япония садҳо миллион доллар хисорот ворид намуд. Комёбии ширкати «Филипс» Душанбе, 28 октябр. (АМИТ «Ховар»).-Дар семоҳаи сеюми соли равон даромади ширкати «Филипс» — и Голландия 3 дарсад афзуд. Даромади ин коргоҳ, ки асосан таҷҳизоти маишӣ ва қандил истеҳсол менамояд, дар ин муддат аз 105 ба 281 миллион евро расид. Ин нишондод нисбат ба пешгўии коршиносон хеле зиёд мебошад. Ба маҳсулоти ширкати «Филипс» талабот дар бозорҳои ҷаҳонӣ хеле зиёд аст, зеро маҳсулоти ширкати номбурда сифати баланд дошта, талаботи мизоҷонро қонеъ менамояд.Тарҷумаи Иброҳими Ҳабибуллоҳ

Октябрь 28, 2013 15:37

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд