Дар Хатлон қариб 225 ҳазор тонна пахта ҷамъоварӣ шуд

Қӯрғонтеппа, 11 октябр. (АМИТ «Ховар»,  Мурод  Сотиев). – Тавре  ки  аз  Раёсати   кишоварзии  вилояти  Хатлон  ба  АМИТ «Ховар»  хабар  доданд,  то  10  октябр  дар  вилоят  224 ҳазору  977 тонна  пахта  ҷамъоварӣ  шудааст, ки  ин  83, 3  фоизи  нақшаро ташкил  медиҳад. 
 
Деҳқонони  Сарбанд ва Қӯрғонтеппа  дар  ҷамъоварии  пахта  ба  натиҷаҳои  назаррас  ноил  шуданд. Пахтакорони   ноҳияҳои  Қубодиён,  Шаҳритус  ва  Хуросон  дар  арафаи  иҷрои   уҳдадориҳояшон  қарор доранд. 
 
Имсол  дар  вилояти  Хатлон  дар   масоҳати  128 ҳазору  123  гектар  чигит кишт  шудааст.  Деҳқонони  вилоят  ният  доранд, ки  дар  мавсими  соли  ҷорӣ  270  ҳазор тонна  пахта  ҷамъоварӣ  намоянд.