Дурнамои ҳамкории Вазорати меҳнат бо БРО

  Душанбе,  10 октябр (АМИТ «Ховар», Зарангези Латиф).- Дирӯз муовини якуми Вазири меҳнат ва ҳифзи иҷтимоии аҳолии Ҷумҳурии Тоҷикистон – Э. Сангинов намояндагони Бонки Рушди Осиё (БРО)– Стивен Тейбор, Тошиюки Юкота ва Азиза Катаеваро ба ҳузур пазируфт. Зимни вохўрӣ ҷонибҳо роҷеъ ба ҳамкориҳои дуҷониба ибрози назар карда, Э. Сангинов оид ба масъалаҳои марбут ба самтҳои фаъолият, ҳолати кунунӣ ва дурнамои ҳамкории вазорат бо БРО сухан гуфта, ҷиҳати густариши робитаҳои тарафайн изҳори қаноатмандӣ намуданд. Дар ҷараёни вохӯрӣ масъалаҳои вобаста ба лоиҳаҳои БРО дар соҳаи иҷтимоӣ ва кўмакҳои ҳаматарафа ба Тоҷикистон муҳокима гардид. Дар вохўрӣ намояндагони БРО бештар ба масъалаҳои соҳаи нафақа, аз ҷумла тақвияти хизматрасонӣ ба нафақагирон тавассути кортҳои пластикии бонкӣ таваҷчуҳ зоҳир намуда, омодагии худро ҷиҳати ҳамкории минбаъда иброз намуданд.Дар анҷоми вохўрӣ ҷонибҳо умедвории худро ба рушду густариши ҳамкории минбаъда таъкид доштанд.