Гуфтушуниди байни Тоҷикистону Австрия

Душанбе, 11 октябр. (АМИТ «Ховар»). – Чанде  пеш  дар  шаҳри  Душанбе  даври   аввали  гуфтушуниди  миёни  Тоҷикистону  Австрия  аз  рӯи  лоиҳаи   созишномаи  байниҳукуматӣ  дар  бораи  роҳи  ҳавоӣ баргузор  шуд. Ҷонибҳо  дар  баробари  баррасии   лоиҳаи  созишнома  масоили  роҳандозии  ҳамкории  минбаъдаи  байни  ширкатҳои  ҳавопаймоӣ ва   фурудгоҳҳои  ҳар  ду  кишварро  низ   мавриди  муҳокима  қарор  доданд. 
 
Роҳбарии   ҳайати  Австрия  дар  гуфтушунидро  сардори Раёсати   муҳити  зист,  нақлиёт  ва  алоқаи  телевизионии Вазорати  федералӣ  оид ба умури   Аврупо  ва   байналмилалӣ  Антон  Козусник  ба  ӯҳда  дошт. 
 
Даври  зикршудаи   гуфтушунид бо  ибтикори Сафорати  Тоҷикистон  дар  Австрия  якҷоя  бо  Вазорати   нақлиёти Ҷумҳурии  Тоҷикистон   сурат  гирифт.
 
Дар  ин  бора  аз Раёсати  иттилоот,  матбуот,  таҳлил ва  тарҳрезии  сиёсати  хориҷии  ВКХ  ҶТ  ба  АМИТ «Ховар»  хабар  доданд.