Хизмат ба Ватан шараф аст

Муъминобод, 19 октябр. (АМИТ «Ховар», С. Холов).-Дар рӯзҳои аввали даъвати тирамоҳӣ ба сафи Қувваҳои мусаллаҳи Ҷумҳурии Тоҷикистон дар комиссариати ҳарбии ноҳияи Муъминобод бо иштироки раиси нохия, собиқадорони ҷангу меҳнат ва падару модарони ҷавонписароне, ки ихтиёран ба комиссариати ҳарбӣ ҳозир шудаанд, маҷлиси ботантана баргузор шуд. Дар ҳамоиш зикр шуд, ки хизмати модар Ватан барои ҳар як фард ҳам қарз асту ҳам фарз ва барои иҷрои қарзи фарзандӣ ҳар ҷавонписар бояд ба сафи Қувваҳои мусаллаҳи Ҷумҳурии Тоҷикистон шомил гардида, дар ҳифзи марзу буми Ватан ҳиссагузорӣ намояд. 30 нафар ҷавонписар, ки бо даъвати комиссариати ҳарбӣ ҳозир гардида буданд, дар назди ҳозирон ваъда доданд, ки хизматро бо сари баланд ба анҷом мерасонанд.  Бояд гуфт, ки беҳтар гардидани шароити будубош ва хизмат дар ҷузъу томҳои Вазорати дифои мамлакат ба зиёд гардидани шумораи ихтиёриён баҳри хизмат дар сафхои артиши миллӣ мусоидат намудааст. Дар айни ҳол нақшаи даъвати тирамоҳӣ дар ноҳия ба 45 % расонида шуда, дар ин самт масъулини ҷамоатҳои деҳот ва вакилони маҳаллаҳо саҳмгузор мебошанд.