Хурсандии Ҷонона

Октябрь 4, 2013 15:29

Душанбе, 4 октябр.(АМИТ «Ховар», Марзия Саидова).- 30 нафар духтарон дар пойтахт зимни як давраи омӯзишӣ дар коргоҳи дӯзандагии муштараки назди Маркази таълимии калонсолони шаҳри Душанбе нозукиҳои касби чевариро аз худ карда, аз санҷиш бомуввафақият гузаштанд.  Дар маросими супоридани имтиҳони ҷавондухтарон Саидмаҳдӣ Ибодӣ- раиси дафтари намояндагии Кумитаи имдоди Эрон дар Тоҷикистон, намояндагони Вазорати меҳнат ва ҳифзи иҷтимоии аҳолии ҷумҳурӣ, Файзулло Кабиров — раиси маркази таълими калонсолони шаҳри Душанбе ширкат намуда, аз ҷараёни имтиҳони коромӯзон назорат намуданд. Дар фарҷоми маросими супоридани имтиҳони коромӯзон раиси дафтари намояндагии Кумитаи имдод дар Тоҷикистон Саидмаҳдӣ Ибодӣ ба як нафар аз беҳтарин коромӯз Ҷонона Раҳимова мошинаи дӯзандагӣ тақдим кард. Ҷонона Раҳимова мегӯяд, ки: «Ман аз сабаби надоштани шароит натавонистам дар мактаби миёна таҳсил намоям. Баъди фавти шавҳарам бо ду кӯдак дар хонаи модарам зиндагӣ мекунам ва ҳоло шодам, ки баъди хатми давраи омӯзиши дӯзандагӣ соҳиби касб шудам ва тавассути ҳунарам бо меҳнати ҳалол ман рӯзгори худро таъмин менамоям». Коргоҳи дӯзандагии мазкур соли 2007 дар ҳамоҳангии Вазорати меҳнат ва ҳифзи иҷтимоии аҳолии Ҷумҳурии Тоҷикистон ва дафтари намояндагии Кумитаи байналмилалии имдоди имом Хумайнии Эрон дар Тоҷикистон таъсис ёфтааст.   Абдулғаффори Солеҳ-масъули умури идорӣ ва равобити умумии намояндагии дафтари Кумитаи имдод дар Тоҷикистон мегӯяд, ки то кунун Кумитаи имдод дар ҳамкорӣ бо Вазорати меҳнат ва ҳифзи иҷтимоии Тоҷикистон дар минтақаҳои гуногуни кишвар 67 коргоҳи омӯзишӣ таъсис додааст, ки дар ин коргоҳҳо фарзандони оилаҳои ниёзманд ҳунарҳои дӯзандагӣ, барномасози компютер, сангтарошӣ, заргарӣ, сантехникӣ ва кафшергариро аз бар намуда, вориди бозори меҳнат гардидаанд.
 

Октябрь 4, 2013 15:29

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд