Иқдоми навбатии хайрхоҳона

Душанбе, 21 октябр. (АМИТ «Ховар», Анна Мощенко ).- Чанде пеш Донишгоҳи славянии Русия ва Тоҷикистон барои мактаб – интернати № 1 – уми ноҳияи Шаҳринав иқдоми навбатии хайрхоҳонаро роҳандозӣ намуд.Мувофиқи суханони раиси кумитаи иттифоқи касабаи донишҷӯён, профессор Ш.Б.Муллоев, донишгоҳи славянӣ сарпарастии мактаб – интернати ноҳияи Шаҳринавро ба ӯҳда дошта, муаллимону донишҷӯёни он барои беҳдошти фаъолияти мактаб – интернат кӯмак менамоянд.Қобили зикр аст, ки кумитаи иттифоқи касабаи донишҷӯён ва фаъолони донишгоҳ барои мактаби мазкур ба маблағи 10 ҳазор сомонӣ молҳои канселярӣ, воситаҳои гигиенӣ ва ду компютер харидорӣ кардаанд.