И.Бокова — Директори генералии ЮНЕСКО

Душанбе, 7 октябр. (АМИТ «Ховар»). –  58  давлати  аъзои Шӯрои  иҷроияи  ЮНЕСКО   намояндаи  Булғористон  Ирина  Боковаро  Директори  генералии  созмони  мазкур  барои  муҳлати  дуюми  чорсола  таъин  намуданд. 
 
Дар  маъракаи  пешазинтихоботӣ барои  дарёфти  ин  мансаб Ирина  Бокова  (аз  Булғористон),  Рашад  Фара (аз  Ҷибути)  ва  Ҷозеф  Маила (аз Лубнон)  иштирок  доштанд. 
 
Ирина  Бокова  соли  1952  дар  шаҳри  Софияи  Булғористон  таваллуд  шудааст.  Вай  моҳи  октябри  соли  2009  дар  байни   занон  аввалин  шуда  Директори генералии  ЮНЕСКО  интихоб  гардида буд.  Мавсуф  то  моҳи октябри  соли  2009  Сафири Булғористон  дар  Фаронса  ва  намояндаи доимии  ин  кишвар  дар  ЮНЕСКО — ро  ба  ӯҳда  дошт.  Ирина  Бокова  чун   дипломати  касбӣ  ва  узви   парлумони  Ҷумҳурии  Булғористон  дар  мансабҳои  муовини  вазир  ва  Вазири   корҳои  хориҷӣ  фаъолият  намудааст.