Ифтитоҳи корхонаи «Султонстоун» дар Исфара
Душанбе, 11 октябр. (АМИТ «Ховар», Л. Қосимова). — 10 октябр раиси вилояти Суғд Қоҳир Расулзода ба шаҳри Исфара сафари корӣ анҷом дода, корхонаи коркарди нафти ҶСК «Султонстоун»-ро мавриди истифода қарор дод.Қоҳир Расулзода зимни шиносоии хеш аз ин корхона бунёди чунин корхонаҳои саноатиро, ки талаботи замони муосир мебошад, барои қонеъ гардонидани таъминоти аҳолӣ бо сӯзишворӣ падидаи тоза ва саривақтӣ арзёбӣ кард.Корхонаи коркарди нафти «Султонстоун» дар заминаи базаи нефти шаҳри Исфара бо ҷалби сармояи дохилӣ дар ҳаҷми наздик ба 6 миллион сомонӣ бунёд гардидааст. Иқтидори солонаи корхонаи мазкур дар як сол ба коркарди 40 ҳазор тонна нафт баробар буда, дар он ҷо дар се баст 75 нафар бо ҷои кори доимӣ таъмин мегарданд. Тавре зикр гардид, дар айни ҳол дар заминаи дастрасӣ ба ашёи хом бо Ҷумҳурии Қазоқистон ҳамкориҳои судманд ба роҳ монда шудаанд. Муассисони корхона арз медоранд, ки дар оянда чунин ҳамкориҳо бо давлатҳои Эрону Русия низ ба роҳ монда мешавад.Тавре ки аз Хадамоти матбуотии раиси вилояти Суғд ба АМИТ «Ховар»хабар доданд, пас аз фаъолияти корхонаи «Султонстоун» бори аввал дар вилоят бензини навъи «АИ 80» истеҳсол мешавад. Ҳамзамон дар ин корхона соляркаву мазут низ истеҳсол шуда, дар оянда истеҳсоли битум низ ба роҳ монда хоҳад шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






