Инвентаризатсияи ҳайвоноти хонагӣ
Душанбе, 12 октябр.(АМИТ “Ховар”, Марзия Саидова).- Шаҳрдории Душанбе тасмим гирифтааст, ки дар давоми 10 рӯз тавассути корҳои фаҳмондадиҳӣ бо шаҳрвандон инвентаризатсияи чорвои калони шохдор, чорвои хурд, инчунин асп, парранда ва дигар ҳайвоноти хонагӣ, ба истиснои гурба, саг ва паррандаҳои хурди ғайриистеъмолиро дар ҳудуди шаҳр ба анҷом расонида, тибқи салоҳдиди шаҳрвандон аз байн бурдани онҳоро таъмин созад. Дар робита ба ин тасмим барои ба оилаҳои камбизоати муайянкардашуда ҷиҳати расонидани кӯмаки молиявии якдафъаина ба раиси шаҳр пешниҳод ирсол карда мешавад.
Масъалаи мазкур дар ҷараёни баргузории иҷлосияи шонздаҳуми Маҷлиси вакилони халқи шаҳри Душанбе зимни гузориши муовини аввали раиси шаҳр Насрулло Хайруллоев доир ба ҳолати риоя ва иҷрои Қонуни Ҷумҳурии Тоҷикистон «Дар бораи статуси пойтахти Ҷумҳурии Тоҷикистон» матраҳ гардид. Бояд тазаккур дод, ки тибқи қонуни мазкур дар ҳудуди пойтахт парвариш ва нигоҳдошти чорвои калони шохдор, чорвои хурд, инчунин асп, парранда ва дигар ҳайвоноти хонагӣ, ба истиснои гурба, саг ва паррандаҳои хурди ғайриистеъмолӣ манъ аст.
Дар иҷлосия ҳамзамон вакилони шаҳрӣ масоили марбут ба омодагии пойтахт ба ҷашни 90-солагии Душанбе, ки дар соли 2014 таҷлил мегардад, баррасӣ намуданд. Дар фарҷоми иҷлосия як қатор қарорҳои раиси шаҳр тасдиқ гардиданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






