Изҳороти А.Лукашенко дар мавриди таҳкими сарҳади Тоҷикистон
Душанбе, 23 октябр. (АМИТ «Ховар»).- Президенти Беларус Александр Лукашенко зимни мулоқот бо роҳбарони ВАО кишварҳои ИДМ дар шаҳри Минск изҳор дошт, ки масъалаи таҳкими сарҳади Тоҷикистон бояд дар қарорҳои ИДМ инъикос ёбад.Мувофиқи маълумоти Агентии иттилоотии Беларус (БЕЛТА), Александр Лукашенко зикр намуд, ки муҳокимаи ин масъала дар ҳамоиши роҳбарони давлатҳои ИДМ вобаста ба Президенти Тоҷикистон Эмомалӣ Раҳмон аст. «Агар ӯ ин масъаларо ба миён гузорад, мо онро дастгирӣ менамоем», — гуфт А.Лукашенко.Президенти Беларус хотирнишон сохт, ки роҳбарони кишварҳои аъзои созмон дар ҳамоиши СПАД дар Сочи аҳд карданд, ки низоми тадбирҳои расонидани ёрӣ ба Тоҷикистон барои мустаҳкам намудани сарҳадаш бо Афғонистонро тарҳрезӣ намоянд. «Ин масъалаи умумӣ аст. Фикр намекунам, ки Тоҷикистон дар куҷо асту Беларус дар куҷост ва ин ба мо дахл надорад. Ҳама чиз тавре сурат мегирад, ки ҳаракати муҳоҷират аз Ҷануб тавассути Беларус сурат мегирад», — гуфт сарвари давлат. «Мо хоҳем, ё нахоҳем, хавфу хатарҳои террористӣ афзун мешаванд», — илова намуд Президенти Беларус.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






