Кӯмаки хайриявии «Амонатбонк» бахшида ба Иди Қурбон

Душанбе, 14 октябр. (АМИТ «Ховар», Л. Қосимова). —    Бахшида ба иди Қурбон  Бонки давлатии амонатгузории (БДА) Ҷумҳурии Тоҷикистон «Амонатбонк» ба мактаб- парваришгоҳ барои ятимону бепарасторони рақами 1-и ноҳияи Рӯдакӣ ба маблағи 7475 сомонӣ кӯмаки хайрия расонид.
 Лозим ба ёдоварист, ки дар давоми соли ҷорӣ ин бори панҷум аст, ки «Амонатбонк» ба ин мактаб-парваришгоҳ кӯмаки хайрия, аз қабили ҷиҳози таълимиву хӯрокӣ кӯмак мерасонад. Дар ин мактаб-парваришгоҳ имрӯз беш аз 1370 нафар таълиму тарбия мегиранд. Индафъа кӯмак аз маводи хӯрокӣ- орду равған, биринҷу маҳсулоти қаннодӣ, гӯшту сабзавот иборат буда, барои таълимгирандагони ин мактаб-парваришгоҳ саривақтӣ мебошад. 
Роҳбарияти Раёсати «Амонатбонк» тасмим гирифтааст дар оянда барои беҳдошти вазъи хобгоҳу таъмини ин муассиса бо ҷиҳози лозимӣ саҳмгузор бошанд.