Кӯмаки Сафорати ИМА ба Дастаи таъйиноти махсуси милитсия
Душанбе, 24 октябр. (АМИТ «Ховар», Л. Қосимова). — 23 октябри соли равон вазири корҳои дохилии Ҷумҳурии Тоҷикистон Рамазон Раҳимов ба Дастаи таъйиноти махсуси милитсия ташриф оварда, аз таҷҳизоти техникие, ки барои гузаронидани машқҳои тактикию омӯзишӣ ва дарсҳои таълимӣ аз ҷониби Сафорати ИМА дар Тоҷикистон ба тариқи кӯмак тақдим гардид, дидан намуд. Сафири ИМА дар Тоҷикистон Эллиотт Сюзан барои ҳамкориҳои мутақобилан судманд ба вазири корҳои дохилӣ изҳори сипос намуда, зикр кард, ки дар оянда низ ин ҳамкориҳо тақвият бахшида мешаванд.Тавре ки ба АМИТ «Ховар» аз дафтари матбуоти ВКД хабар доданд, дар доираҳои ҳамкориҳои дуҷониба кормандони Дастаи таъйиноти махсуси милитсия соли 2012 дар тренинги омӯзишӣ дар ИМА иштирок намуда, аз худ маҳорату малакаи баланди касбӣ нишон дода, сазовори таҳсин гардиданд. Аз ин хотир, Сафорати ИМА дар Тоҷикистон тасмим гирифт, ки барои гузаронидани машқҳои тактикию омӯзишӣ ва дарсҳои таълимии афсарон ба даста таҷҳизоти лозимӣ, аз қабили ҷавшан, тоскӯлоҳ, ниқоб, дурбин ва дигар лавозимот тақдим намояд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
