Корҳои фаҳмондадиҳӣ оид ба ҷараёни интихобот

   Душанбе, 25 октябр. (АМИТ «Ховар», Л. Қосимова). —   Кумитаи кор бо занон ва оилаи назди Ҳукумати Ҷумхурии Тоҷикистон бо мақсади баланд бардоштани масъулияти шаҳрдорӣ, маърифати  ҳуқуқии шаҳрвандон ва савияи дониш дар самти қонунгузории интихоботӣ дар хобгоҳҳои донишгоҳҳои пойтахт, вазоратҳои фарҳанг, меҳнат ва ҳифзи иҷтимоии аҳолӣ ва иттиҳодияи истеҳсолии «Нассоҷии тоҷик»  ва шаҳру ноҳияҳои тобеи ҷумҳурӣ вохӯрию сӯҳбатҳо доир менамояд. 
Тавре ки аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд, дар чорабиниҳои мазкур  мутахассисон оид ба ҳуқуқи интихоботии шаҳрвандон  ва дигар ҳуқуқҳои онҳо корҳои фаҳмондадиҳӣ бурда, маводи Қонуни конститутсионии Ҷумҳурии Тоҷикистон «Дар бораи интихоботи Президенти Ҷумҳурии Тоҷикистон» ва маводи тақсимотӣ оид ба ҳуқуқи интихобкунандагонро дар шакли саволу ҷавоб ба  шунавандагон тақсим мекунанд.