Маҳфили эҷодии Манзура Ӯлҷабоева

Октябрь 17, 2013 11:19

Душанбе, 17 октябр. (АМИТ «Ховар»,  Кристина  Эрлих). – Дар  ҳошияи Ҳафтаи  синамои  Русия  дар  Ҷумҳурии  Тоҷикистон охири  ҳафтаи  гузашта  дар Маркази илму  фарҳанги  Русия дар шаҳри  Душанбе  маҳфили эҷодии   рассоми   театру  синамо, Аълочии  фарҳанги  Ҷумҳурии  Тоҷикистон  Манзура  Ӯлҷабоева  баргузор  гардид. 
 
Тавре  ки аз  Намояндагии  ҳамкории  Русия  дар  Тоҷикистон хабар  доданд,  дар  маҳфили  эҷодӣ  Сафири  Фавқулодда  ва  Мухтори  Федератсияи  Русия  дар  Тоҷикистон  Игор Лякин – Фролов,  Сафири  Фавқулодда  ва  Мухтори  Ҷумҳурии  Беларус  Олга  Гаврук,  ходимони  намоёни  илму  фарҳанг  ва  намояндагони аҳли  ҷамъият  ширкат  доштанд.
 
Сафири  Федератсияи  Русия  дар  Тоҷикистон  Игор Лякин – Фролов ҳозиронро  хайра  мақдам  гуфта, аҳамияти   чунин   вохӯриҳо  бо  иштироки  устодони  намоёни   театру  синамои  Тоҷикистонро,  ки  ба  рушди  равобити   фарҳангии  байни  Русия  ва  Тоҷикистон  мусоидат  мекунанд,  ба таври  махсус  қайд  намуд.
 
Манзура  Ӯлҷабоева  зимни  суханрониаш   аз  роҳи  эҷодӣ ва таҷрибаи  фаъолият  бо  коргардонҳо,  драматургҳо ва  ҳунарпешагони  номӣ  ба таври шавқовар   нақл  кард. 
 
Дар  анҷоми  маҳфил  филми  мустанади  коргардон  Владимир Сидоров «Филм  дар  бораи  филм»  намоиш  дода шуд. Сипас  коргардони  филми  «Писарак»  Рустам  Аҳадов  фитаҳои  филмҳои   коргардон Лариса  Садиловаро, ки   Манзура  Ӯлҷабоева  бо  мавсуф   ҳамкорӣ  дошт,  ба Маркази илму  фарҳанги   Русия  тақдим  кард. 
 
Манзура  Ӯлҷабоева  рассоми  театру  синамо  ва омӯзгори  Коллеҷи  рассомии  ҷумҳуриявӣ  ба  номи  Олимов  мебошад. Номбурда  соли  2008  бо  мукофоти  ҳукуматии  Ҷумҳурии  Тоҷикистон  медали «Хизмати  шоиста» қадр  шуда,  соли 2013  сазовори  унвони  «Аълочии  фарҳанги  Ҷумҳурии  Тоҷикистон»  гардид.

Октябрь 17, 2013 11:19

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд