Маҳфили эҷодии Темур Зулфиқоров

Душанбе, 14 октябр. (АМИТ «Ховар»). – Дар  шаҳри  Маскав  маҳфили эҷодии шоиру  драматурги  номӣ  Темур  Зулфиқоров  баргузор  гардид. 
Назар  ба  хабари  котиби  матбуоти Намояндагии Хадамоти  муҳоҷирати  ҶТ  дар  ФР Иброҳим  Аҳмадов,  дар  маҳфил  Темур  Зулфиқоров  чанде  аз  шеърҳои маҷмӯаи  наверо, ки   дар  Тоҷикистон эҷод  кардааст,  қироат  намуд. 
Темур  Зулфиқоров   17  августи  соли  1936  дар шаҳри  Душанбе  ба  дунё  омадааст. Муаллифи  20  китоб  мебошад, ки  чанде  аз  онҳо  ба  12  забони  халқҳои  ҷаҳон  тарҷума  шудаанд. Шоир ҷоизи  бисёр  мукофотҳои  адабии  байналмилалӣ  мебошад.