Меҳрнигори Рустам: «Дар рӯбарӯям имтиҳони ҷиддиест…»

Октябрь 12, 2013 18:43

Душанбе, 12 октябр. (АМИТ «Ховар»).- Рӯзи 14-уми октябр, соати 17:00 дар толори калони Консерваторияи миллии Тоҷикистон ба номи Талабхуҷа Сатторов консерти академии донишҷӯи курси сеюми бахши сурудҳои академии Консерваторияи миллии Тоҷикистон, ҳунарманди шинохта  Меҳрнигори Рустам баргузор мегардад. 
Тавре худи Меҳрнигори Рустам ба хабарнигори «Ховар» гуфт, тасмими баргузор намудани ин консертро бо ҳидояти роҳбарияти Консерваторияи миллии Тоҷикистон ва тавсияи дӯстону наздиконаш гирифтааст. Дар ин консерт Меҳрнигор сурудҳои академие чун «Таронаи баҳор», «Ишқи ман», «Интизорӣ», «Ёри ҷон» ва амсоли инро месарояд. 
Меҳрнигор гуфт, дар ин консерт Бурҳон Маҳмадқулов – ҳунарманди мардумии Ҷумҳурии Тоҷикистон низ ҳамчун меҳмони фахрӣ ширкат хоҳад дошт, аз ин рӯ консерти мазкур бароям боз як имтиҳони ҷиддиест.  
Зимнан, Меҳрнигор Рустам аз зумраи ҳунармандонест, ки бо садои хубу таронаҳои марғубаш қалби доираи зиёди мухлисони худро тасхир кардааст. Ӯро асосан мухлисон бо таронаҳе чун «Бибиҷонам», «Ҳинобандон», «Паррандаҳо» ва амсоли он мешиносанд. 

Октябрь 12, 2013 18:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд