“Мо бо Президентем”-аксияи ҷавонон дар Мастчоҳ

Душанбе, 31 октябр. (АМИТ «Ховар», Фарзона Ашӯрмадова).-Намояндагони Иттифоқи ҷавонон, Ҳизби Халқии Демократии Тоҷикистон дар ноҳияи Мастчоҳ дар доираи нақшаи чорабиниҳои гуруҳи муштараки таблиғотии Ситоди марказии пешазинтихоботии номзад ба Президенти Тоҷикистон дар қисми низомии 2850 бо сарбозону афсарон мулоқот анҷом доданд. Тавре ки дар ин бора аз Кумитаи ҷавонон, варзиш ва сайёҳӣ хабар доданд, дар вохӯрӣ иштирокчиён аз дастоварҳои замони истиқлол сухан гуфта, онҳоро ба иштироки фаъолона дар интихоби сарвари давлат даъват намуданд. Ҳамчунин мулоқоти судманди намояндагон бо доираи васеи насли ҷавон ва аҳолии ноҳияи Мастчоҳ доир гашт.Гуфта мешавад, ки ҷиҳати дастгирии Президенти феълии кишвар Эмомалӣ Раҳмон дар назар аст 2-юми ноябри соли равон дар маркази ноҳия аксияи ҷавонон таҳти унвони “Мо бо Президентем” бо ширкати 5000 ҷавон доир гардад.