Муаррифии барномаи номзад аз ҲХДТ дар Самара

Душанбе, 28 октябр.(АМИТ “Ховар”, Марзия Саидова).-Дар шаҳри Толяттии вилояти Самараи Русия вохӯрии намояндагони Хадамоти муҳоҷирати назди Ҳукумати ҷумҳурӣ дар Русия, Ҳизби Халқӣ- Демократии Тоҷикистон ва ҷамъияти тоҷикон “Ватан”, ки дар ин шаҳр фаъолият мекунад, бо муҳоҷирони меҳнатии тоҷик баргузор гардид.  Дар вохӯрӣ бо муҳоҷирони меҳнатии Тоҷикистон аз мавқеи сиёсӣ ва дастовардҳои ҲХДТ ва муҳтавои самтҳои асосии барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқӣ- Демократии Тоҷикистон Эмомалӣ Раҳмон маълумоти муфассал ироа гардида, ҳамзамон таклифу пешниҳоди муҳоҷирон дар ҳалли мушкилоти онҳо шунида шуд.