Муаррифии «Дидор аз Мурғоб»
Душанбе, 18 октябр.(АМИТ «Ховар», Руқияи Боймамад).- Дар нимаи дуюми имрӯз дар Китобхонаи миллӣ муаррифии китоби тозанашри Ҳотам Файзуллоев, корманди Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таҳти унвони «Дидор аз Мурғоб» сурат мегирад.Китоби мазкур аз аввалин сафари Президенти кишвар Эмомалӣ Раҳмон ба ноҳияи дурдасти Мурғоби Вилояти Мухтори Куҳистони Бадахшон ва бахусус, деҳаи Аличур қисса менамояд. Хонанда ба ҷараёни як сафари кории Президенти кишвар дар солҳои аввали истиқлолияти кишвар дар соли 1995 ошно мегардад.Китоби «Дидор аз Мурғоб»-и Ҳотам Файзуллоев барои хонандагони гуногун, аз ҷумла хонандагони мактабҳои миёна ва наврасону ҷавонони сини гуногун барои мутолиа тавсия гардидааст.Китоби «Дидор аз Мурғоб»- и Ҳотам Файзуллоев аввалин китоби бадеие аст, ки дар мавриди фаъолиятҳои Президенти мамлакат Эмомалӣ Раҳмон нақл менамояд. Ин китоб бо тарз ва услуби бадеӣ иншо гардида, барои дарк ва фаҳмиши насли наврас мувофиқ мебошад.Китоби «Дидор аз Мурғоб» бо ду забон тоҷикӣ ва англисӣ чоп гардидааст. Тарҷумаи забони англисии китоб метавонад доираи хонандагони ин китобро берун аз кишвар низ васеътар намуда, барои муаррифии кишвар ва бахусус фаолиятҳои Сарвари давлат дар солҳои аввали Истиқлолияти Ҷумҳурии Тоҷикистон саҳмгузор бошад.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






