Мулоқоти Муовини вазири корҳои хориҷии Тоҷикистон бо Муовини аввали вазири корҳои хориҷии Корея
Душанбе, 5 октябр (АМИТ «Ховар»).- 4 октябри соли 2013 дар шаҳри Бишкек мулоқоти Муовини вазири корҳои хориҷии Ҷумҳурии Тоҷикистон Низомиддин Зоҳидов бо Муовини аввали вазири корҳои хориҷии Ҷумҳурии Корея Гю-Хён Ким баргузор гашт. Дар оғози суҳбат ҷонибҳо ба кори Анҷумани ҳамкорӣ миёни Ҷумҳурии Корея ва давлатҳои Осиёи Марказӣ, ки дар таҳким ва рушди ҳамкориҳои гуногунҷабҳа байни давлатҳои Осиёи Марказӣ ва Ҷумҳурии Корея нақши муҳим мебозад, баҳои баланд доданд. Мусоҳибон таваҷҷуҳи худро ба ҳолати кунунӣ ва зарурати мустаҳкам намудани ҳамкорӣ байни ду кишвар равона намуданд. Аз ҷумла, ҷониби Тоҷикистон пешниҳод кард, ки мавзуи ҳамкориҳо дар соҳаҳои комплекси агросаноатӣ, муҳоҷирати меҳнатӣ, тиб ва дорусозӣ, ташкили корхонаҳои муштарак оид ба коркарди маҳсулоти кишоварзӣ мавриди баррасӣ қарор гирад. Ҷонибҳо зарурати таҳкими заминаи шартномавӣ-ҳуқуқии робитаҳои дуҷонибаро муҳим арзёбӣ карданд. Гю-Хён Ким қайд кард, ки кушодани Сафорати Ҷумҳурии Корея дар Душанбе моҳи июни соли 2008 ба рушди муносибатҳои ду кишвар такони нав бахшид ва ҷониби Корея ҷиҳати идома додани ҳамкориҳои мутақобилан судманд бо Тоҷикистон ҳавасманд аст. Зимни мулоқот инчунин масоили барқарор намудани алоқаҳо дар соҳаи фарҳанг, истифодаи таҷрибаи Корея дар бунёди шабакаҳои коммуникатсионии Тоҷикистон, ҳамкории ду кишвар дар доираи созмонҳои байналмилалӣ мавриди муҳокима қарор гирифт.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






