Мулоқоти вакил бо муҳоҷирони меҳнатӣ

Душанбе, 28 октябр.(АМИТ «Ховар», Марзия Саидова).- Вакили Маҷлиси намояндагон Давлаталӣ Давлатзода зимни сафари худ ба шаҳри соҳили Неваи Русия — Санкт -Петербург ва иштирок дар кори ҷаласаи гуруҳи кории Ассамблеяи байнипарлумонии кишварҳои Иттиҳоди Давлатҳои Мустақил оид ба таҳияи қонуни намунавӣ «Дар бораи абадӣ гардонидани хотираи муҳофизони Ватан, ходимони намоёни давлатӣ ва ҷамъиятӣ» ҳамзамон бо муҳоҷирони тоҷик мулоқот намуд.  Вакили Маҷлиси намояндагон зимни мулоқот доир ба фаъолияти мақоми олии қонунбарор, интихоботи қарибулвуқӯи Президенти Ҷумҳурии Тоҷикистон ва аз бунбасти коммуникатсионӣ баровардани Тоҷикистон маълумоти мукаммал дода, ба саволҳои сершумори муҳоҷирони тоҷик посух дод. Аксари муҳоҷирини тоҷик изҳор доштанд, ки ба тарафдории номзад аз Ҳизби Халқӣ- Демократии Тоҷикистон овоз хоҳанд дод.