Наврасони имконияташон маҳдуд соҳибкасб мегарданд

Октябрь 29, 2013 10:57

Душанбе, 29 октябр. (АМИТ «Ховар», Л. Қосимова). — Ҷиҳати расонидани хизматрасонии иҷтимоӣ ба пиронсолони яккаву танҳо, одамони ғайри қобили меҳнат, кўдакони имконияташон маҳдуд ва шахсоне, ки дар ҳолати душвори зиндагӣ қарор доранд, дар шаҳру ноҳияҳо 16 маркази минтақавии хизматрасонии иҷтимоӣ ва будубоши рўзона амал менамояд, ки ҷамъ 429 нафар кормандони маъмурию иҷтимоӣ ба 2296 нафар муштариён хизматҳои иҷтимоӣ-маишӣ, иҷтимоӣ тиббӣ, равонӣ, машваратӣ, ҳуқуқӣ, маърифатӣ, миёнаравӣ-намояндагӣ расониданд. Даҳ адади ин марказҳо аз тарафи Агентии давлатии ҳифзи иҷтимоӣ, шуғли аҳолӣ ва муҳоҷирати вазорат ва шаш адади он аз ҷониби мақомоти иҷроияи ҳокимияти давлатӣ маблағгузорӣ мешаванд. Дар марказҳои будубоши рўзона, ки таҳти сарпарастии вазорат фаъолият менамоянд, ба 781 нафар кўдакони имконияташон маҳдуди эҳтиёҷманд тавонбахшии иҷтимоию тиббӣ, чорабиниҳои офиятбахшии иҷтимоӣ, солимгардонии ҷисмонӣ, равонӣ, рушди зеҳнӣ ва ҳампайвандӣ бо ҷомеа гузаронида, онҳоро се маротиба дар як рўз бо ғизои гарми мувозишуда таъмин менамоянд. Мавриди зикр аст, ки дар Маркази «Парасту»-и шаҳри Кўлоб ва Маркази «Ситора»-и ноҳия Восеъ ба наврасони имконияташон маҳдуд касбҳои дўзандагӣ, куҳнадўзӣ ва кор бо компютер таълим дода мешаванд. Ҳоло дар марказҳои минтақавӣ барои пиронсолон ва маъюбон 101 нафар эҳтиёҷмандон муваққатан умр ба сар мебаранд, ки ба онҳо хизматҳои беҳдоштӣ ва тамйизӣ низ расонида мешавад.

Октябрь 29, 2013 10:57

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд