Омӯзиши соҳаи ҳифзи иҷтимоӣ

Кӯлоб,  7  октябр. (АМИТ «Ховар», Ф.Мадаминов). –  Дар  шаҳри  Кӯлоб бо  дастгирии  ташкилоти  байналмилалии  меҳнат  (ТБМ)    дар мавзӯи  «Омӯзиш  оид ба ҷабҳаҳои   гендерии  соҳаи  ҳифзи  иҷтимоӣ»  семинар гузаронида  шуда, дар он  намояндагони  Вазорати  меҳнат ва  ҳифзи  иҷтимоии   аҳолӣ,  намояндаи  Федератсияи  иттифоқҳои  касабаи  мустақил Зиёева,  ҳамоҳангсози  лоиҳаи  ТБМ,  машваратчии  ин ташкилот Д.Тӯрахонова  ва  раисони   иттифоқҳои  касабаи  муассисаҳои   худуди  шаҳри  Кӯлоб  ширкат  варзиданд. 
Ҳадафи   семинар   бартараф  намудани  буҳрон  ва таъмини  меҳнати  арзанда ва  бехавф   дар  Осиёи  Марказӣ  ва Қафқози Ҷанубӣ (2010 – 2013) буд, ки  аз  ҷониби  ҳукумати  Финляндия   маблағгузорӣ  мегардад ва он ба  дастгирии  тадбиқи  барномаҳои  ҳамкорӣ  оид ба  меҳнати  арзанда,  махсус  дар  раванди   шуғл,  муҳофизати  меҳнат ва  таъминоти  иҷтимоӣ  равона   гардидааст.