Сабукиҳо ба соҳибкорони ватанию хориҷӣ

Октябрь 17, 2013 14:54

 
         Душанбе, 17 октябр.(АМИТ «Ховар», Марзия Саидова).-Парлумони Тоҷикистон 17 октябр ба Кодексҳои андоз ва гумруки Ҷумҳурии Тоҷикистон тағйиру иловаҳо ворид намуд. Тибқи он соҳибкорони ватанию хориҷие, ки ба Тоҷикистон техникаи таъйиноти кишоварзӣ ва маснуоти такмили онҳоро, ки  маҷмӯи ягонаи технологияро ташкил менамояд, ворид месозанд, аз пардохти  андоз аз арзиши иловашуда ва боҷи гумрукӣ озод мебошанд.  
       Ҳамзамон тибқи ин тағйиру иловаҳо воридоти техникаи ҳарбӣ, агрегатҳо, силоҳ, лавозимоти ҷангӣ ва дастгоҳҳои  парвозкунандаи таъйиноти мудофиавӣ,  инчунин қисмҳои   эҳтиётӣ аз андоз ва пардохтҳои гумрукӣ озод мешаванд.
      Руҳуллоҳ Ҳакимов-муовини вазири молияи кишвар,  ки ин масъалаҳоро дар назди вакилони Парлумон  шарҳ медод, гуфт, ки тағйиру иловаҳо ба кодексҳои  андоз ва гумруки кишвар бо мақсади ҳавасмандгардонии соҳибкорони ватанию хориҷӣ дар мавриди ворид намудани техника ва дигар маҷмӯи технология ворид шудааст. Мавсуф афзуд, ки  тағйиру иловаҳо ба Кодекси андози ҷумҳурӣ  имконият медиҳад, ки нофаҳмиҳо  ҳангоми пардохти андоз аз арзиши иловашуда  озод  намудани таҷҳизот ва техникаи мазкур  аз байн бурда шавад. Инчунин тағйиру иловаҳо ба ин кодексҳо шароит фароҳам меоранд, то   дар кишвар ҷойҳои  нави корӣ таъсис дода шуда, барои ғанӣ гардонидани қисми даромади буҷети давлатӣ аз ҳисоби андозҳои  дохилӣ манбаъҳои иловагӣ  ба вуҷуд оянд.

Октябрь 17, 2013 14:54

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд