Таҳияи фарҳангу истилоҳоти соҳавӣ
Душанбе, 4 сентябр. (АМИТ «Ховар», Л. Қосимова). — 5 октябри соли равон дар маҷлисгоҳи Донишкадаи ҷумҳуриявии такмили ихтисос ва бозомӯзии кормандони соҳаи маориф бахшида ба Рӯзи забони давлатӣ конфронси илмию амалии ҷумҳуриявӣ дар мавзӯи «Таҳияи фарҳангу истилоҳоти соҳавӣ-омили рушд ва татбиқи забони давлатӣ» баргузор мегардад. Дар назар аст, ки конфронсро вазири маорифи ҶТ, доктори илмҳои фалсафа, профессор Н. Саидов ифтитоҳ бахшида, раиси Кумитаи забон ва истилоҳоти назди Ҳукумати ҶТ, доктори илмҳои филология, профессор Д. Саймиддинов ҷамъомадагонро бо ид табрик мекунад. Дар чорабинӣ инчунин сармутахассиси раёсати илм ва инноватсия, масъули татбиқи Қонуни забони давлатӣ дар Вазорати маорифи ҶТ дар мавзӯи «Таҳияи фарҳангу истилоҳоти соҳавӣ омили рушд ва татбиқи забони давлатӣ» баромад хоҳад кард. Доктори илми филология, профессор, мудири кафедраи забони тоҷикии Донишгоҳи давлатии ҳуқуқ, бизнес ва сиёсати Тоҷикистон Т. Шокиров дар мавзӯи «Истилоҳ ва истилоҳофарӣ-омили ғановати забон» ва доктори илмҳои филологӣ, омӯзгори кафедраи нақшакашии муҳандисии Донишгоҳи техникии Тоҷикистон ба номи М. Осимӣ дар мавзӯи «Назаре ба истилоҳоти техникии луғати русӣ-тоҷикии нашри соли 1975» маърӯза хоҳанд хонд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






