Таҷлил аз Рўзи байналмилалии пиронсолон

Душанбе, 2 октябр. (АМИТ «Ховар», Л. Қосимова). — 1 октябри соли 2013 дар Вазорати меҳнат ва ҳифзи иҷтимоии аҳолии Ҷумҳурии Тоҷикистон дар ҳамкорӣ бо Шўрои ветеранҳои Ҷумҳурии Тоҷикистон ва кўмаки Ташкилоти байналхалқии хайриявии «Ҳелпэйҷ интернейшнл» дар Тоҷикистон бо иштироки роҳбарияти вазорат мизи мудаввар таҳти унвони «Рўзи байналмилалии пиронсолон» баргузор гардид.Зикр кардан бамаврид аст, ки 1 октябр ҳамасола ҳамчун рўзи пиронсолон тибқи қарордоди Ассамблеяи Генералии СММ қабул шудааст. Имсол 23-юмин солгарди он дар Вазорати меҳнат ва ҳифзи иҷтимоии аҳолии Ҷумҳурии Тоҷикистон таҷлил шуд.Дар ҷараёни мизи мудаввар иштирокчиён — собиқадорони ҷангу меҳнат барои дастгирии ҳамарўзаи Ҳукумати Ҷумҳурии Тоҷикистон арзи сипос намуда, барои минбаъд тақвият додани сиёсати иҷтимоии давлат таклифу пешниҳодҳо доданд.Дар ин бора ба АМИТ «Ховар» аз дафтари матбуоти Вазорати меҳнат ва ҳифзи иҷтимоии аҳолӣ хабар доданд.