Тафтишоти воқеъбинонаи садамаи нақлиётӣ

Душанбе, 17 октябр. (АМИТ «Ховар»).-Расонаҳои ахбори умум ба садамаи шаби 8-ум ба 9-уми октябри соли ҷорӣ рухдода, ҳар гуна тобиши сиёсӣ дода, ишораи онро доранд, ки гӯё Вазорати корҳои дохилӣ майли аз ҷавобгарӣ дур сохтани гунаҳгоронро дошта бошад.
 
Тавре ки маркази матбуоти Вазорати корҳои дохилии Ҷумҳурии Тоҷикистон  хабар медиҳад, ҳодисаи мазкур бо риояи тамоми талаботи қонуну қоидаҳои амалкунандаи ҷумҳурӣ ҳуҷҷатгузорӣ шуда, нисбат ба он парвандаи ҷиноятӣ оғоз гардида, дар айни замон тафтишот идома дорад.