Вохӯрии Гулнора Ҳасанова бо намояндаи доимии ХБА

Душанбе, 14 октябр. (АМИТ «Ховар», Фарзона Ашӯрмадова).- Раиси Раёсати Бонки давлатии амонатгузории Тоҷикистон «Амонатбонк» бо намояндаи доимии Хазинаи Байналмилалии Асъор дар Тоҷикистон Айдин Бибол, ки нав ба ин вазифа таъйин гардидааст, мулоқот намуд. 
  Тавре ки дар ин бора аз БДА «Амонатбонк» хабар доданд. дар вохӯрии мазкур Айдин Бибол ва Раиси Раёсати БДА ҶТ «Амонатбонк» Гулнора Ҳасанова  атрофи ҳамкориҳои бонк бо хазинаи мазкур ва вазъи иқтисодиву иҷтимоии Тоҷикистон, ҳамчунин хизматрасониҳои бонк ба мардум ва рушди иқтисодиёти мамлакат ибрози андеша намуданд. 
  -Масъалаи  бозори асъори Тоҷикистон ва ҳамчунин ба танзим даровардан ва пардохпазирии бонк  дар Тоҷикистон,  анҷоми амалиёти бонкӣ бо пули миллӣ дар робита ба хизматрасониҳои бонк яке аз мавзуъҳои муҳими баррасикунандаи ҷонибҳо ба шумор мерафт. Гуфта мешавад, дар ин вохӯрӣ нақшаи ҳамкориҳои оянда миёни Хазинаи Байналмилалии Асъор  ва БДА ҶТ «Амонатбонк» низ баррасӣ гардид.