Вохӯрии нозирони ИДМ бо номзадҳо ба мансаби Президенти Тоҷикистон
Душанбе, 29 октябр. (АМИТ «Ховар»).- Нозирони Иттиҳоди Давлатҳои Мустақил бо номзадҳо ба мансаби Президенти Тоҷикистон – Абдуҳалим Ғаффоров, Саидҷаъфар Исмонов ва роҳбарияти ситоди пешазинтихоботии номзад ба мансаби Президент Исмоил Талбаков вохурданд. Ба фикри нозирон, давраи тарғиботӣ ором ва дар вазъияти демократӣ сурат мегирад. Намояндагони ҳайати нозирон аз як қатор марказҳое, ки дар онҳо роҳбарони комиссияҳои қитъавии интихоботӣ ба аъзои комиссияҳои қитъавӣ тартиби додани шаҳодатномаҳо, овоздиҳии пеш аз мӯҳлат, ташкили кор дар рӯзи овоздиҳӣ, тартиби ҷамъбаст намудани натоиҷи овоздиҳӣ ва тартиб додани протоколи ҷамъбастиро ёд медиҳанд, дидор намуданд.Нозирони ИДМ ҳангоми дидор аз комиссияҳои қитъавӣ кӯшиш менамуданд, ки ба аъзои комиссияҳо маслиҳатҳои муфид диҳанд. Онҳо барои рафъи нуқсонҳои марбут ба коргузорӣ, тайёр намудани утоқҳои овоздиҳӣ, беҳдошти воқиф намудан аз ҷараёни овоздиҳӣ фикру мулоҳизаҳои худро баён намуда, тавсияҳо доданд. Аъзои комиссияҳо фикру мулоҳизаҳои нозирони ИДМ – ро пазируфтанд.То 28 октябри соли 2013 ба ҳайати нозирон 152 нафар намояндагони Ҷумҳурии Озарбойҷон Ҷумҳурии Арманистон, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Ҷумҳурии Молдова, Федератсияи Русия, Туркманистон, Ҷумҳурии Ӯзбекистон, Украина, Маҷмааи байнипарлумонии давлатҳои аъзои ИДМ, Маҷлиси парлумонии Иттиҳоди Беларус ва Русия, ҳамчунин Кумитаи иҷроияи ИДМ дохил шудаанд. Ташаккули ҳайати нозирон идома дорад. Тавре ки аз Ситоди ҳайати нозирони ИДМ хабар доданд, Комиссияи марказӣ аз 4 октябри соли 2013 омӯзиши аъзои ҳамаи комиссияҳои интихоботиро роҳандозӣ менамояд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






